O Concello reforma a instalación de produción de ACS na piscina municipal de A Raña

O Concello de Marín levou a cabo a obra de reforma da instalación de produción de ACS na piscina municipal de A Raña, unha obra que foi incluída no Plan Concellos 2020, financiado pola Deputación de
Pontevedra.

Este proxecto foi executado pola empresa Axis Soluciones Integrales, por un importe total de 14.581,71 euros.

A instalación hidráulica que conecta os acumuladores de ACS estaba realizada en tubería de cobre, que se atopaba en moi mal estado e con tramos de illamento. O problema, ademais, radicaba en que a saída cara o consumo dispoñía dunha válvula de 3 vías motorizadas que non era capaz de manter a temperatura estable. Deste xeito, non se cumpría a normativa sanitaria de manter a auga quentepor riba dos 50ºC no punto máis alonxado.

Por outra banda, a aportación de auga fría para a produción de ACS non dispoñía de filtro que cumprise coa normativa en vigor e os vestiarios non contaban con pulsadores de regulación da temperatura.

Coa actuación. substituíse esa tubería de cobre e colocouse un novo filtro novo, que cumpre coa normativa vixente. Asemade, instaláronse dúas válvulas termostáticas de ACS por cada vestiario para a regulación da temperatura de confort. Con esta medida, conséguese circular a auga
pola instalación a 60ºC.

Con este proxecto, o Concello de Marín conseguíu mellorar as prestacións que se ofrecen na piscina municipal da Raña, unha infraestrutura deportiva imprescindible para a veciñanza que garante a práctica de deportes acuáticos.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies