Contacto | Tel.:986 88 03 00

O Concello valora a creación de máis bancos similares ao que se ubicará en Briz cunha mensaxe de loita contra a violencia machista

O 25N, a pesar das circunstancias sanitarias que impiden a realización de grandes actos sociais, estará presente durante todos estes días na vila a través de distintas actividades e iniciativas.

As traballadoras do CIM comezaron a facer o reparto do material didáctico nos centros educativos para que traballen co alumnado durante estes días en torno á violencia machista.

Ademais, a concelleira de Benestar Social, Marián Sanmartín, asegurou que o banco que se vai ubicar en Briz pintado de cor morado e cunha frase redactada por unha vítima da violencia machista de Marín “supuxo un éxito e unha gran iniciativa para a visibilidade”.

De tal xeito, o Concello baralla crear máis bancos do mesmo estilo, para así crear espazos de igualdade.

Ademais, tal e como adiantaron o Concello e o CIM, cada banco poderá ter frases distintas, de tal xeito que se anime tamén ás vítimas a dar ese paso liberador que dou a autora da frase do banco actual, sacada dun texto máis amplo, “Carta aberta á liberdade”, que está a ser traballado nas aulas co alumando de Secundaria.

Esta mañá tamén se pendurou da fachada do Concello unha pancarta na que se pode ler o lema “Marín contra a violencia de xénero”.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies