O proxecto Signar comeza con éxito os primeiros obradoiros de lingua de signos nos centros educativos

11 maio 2021

Coñecer e comprender a lingua de signos achéganos á realidade da comunidade de persoas xordas e supón unha importantísima ferramenta de inclusión. Por iso, a totalidade dos centros educativos de Marín adheríronse con moitísimo interese ao proxecto Signar, impulsado polo colectivo En Lingua de Signos (ELDS) e financiada polo Concello.

Tal e como explicou unha das membros do colectivo que participou nas primeiras sesións cos rapaces de 4º da ESO do IES Mestre Landín, “os obradoiros están a resultar moi ben. O alumnado participou e preguntou as súas dúbidas”.

De aquí a final de curso estarán impartindo estes obradoiros en todos los grupos dos centros que así o desexen, co obxectivo de ensinar máis sobre a lingua de signos para que a mocidade entenda esta realidade e poida ter unhas bases de comunicación.

Desde o Concello, apúntase tamén ao “éxito” desta iniciativa, que supón un paso adiante no traballo de inclusión e de educación en valores que se promove desde o ensino público marinense.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies