Contacto | Tel.:986 88 03 00

Os socorristas atenderon máis de 1440 incidencias nas praias durante toda a tempada estival

Os servizos de salvamento e socorrismo nas praias son de vital importancia para un correcto funcionamiento das mesmas xa que a base máis importante sobre a que se debe sustentar é a de vixiancia e a prevención, sobre todo nun verán tan complicado coma este dadas as circunstancias derivadas da crise sanitaria da Covid19.

Esta prevención é a que rexe o traballo deste persoal nos areais de Marín, que este verán atenderon un total de 1.444 atencións en xullo, agosto e setembro, que se subdividen do seguinte xeito:

  • 242 en Portocelo
  • 365 en Mogor
  • 458 en Aguete
  • 217 en Loira
  • 162 en O Santo

O horario no que o servizo estivo activo foi de 12.00 a 20.00 horas nestes areais, que segundo se extrae do informe da tempada “o son especialmente tranquilas pola ubicación e características”. Así a todo, cada praia ten as súas casuísticas, segundo o público que máis vai (familias, grupos de amigo, xente máis avellentada ou máis nova…).

No que respecta ás atención, destacan as picaduras de fanecas, as de avespas, pequenas feridas e os avisos de cans, que non poden estar no areal durante a época estival. Tamén son habituais os avisos a embarcacións, a pescadores e as escordaduras, así como alguna lipotimia ou golpe de calor.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies