Contacto | Tel.:986 88 03 00

Recta final das obras de humanización da Rúa do Tombo

As obras de humanización da Rúa do Tombo entran na súa recta final. Segundo informou hoxe o Concello de Marín, os traballos están moi avanzados e apenas queda colocar as novas luminarias e rematar ca pavimentación do viario.
En canto a esta última labor, pretendíase tela finalizada esta semana, pero as condicións meteorolóxicas adversas, marcadas polas intensas chuvias, posporán a finalización da colocación do pavimento ata a próxima semana.
Esta humanización, en pleno centro da vila marinense, afecta a un viario que conecta as rúas Concepción Arenal e a Avenida de Ourense, que contaba cun único sentido de circulación e no que non había beirarrúas continuas, senón apenas un par de pequenos tramos que non servían para dar servizo aos peóns que transitan esta zona.
Agora, con esta actuación, a rúa incorporará unha nova beirarrúa na marxe esquerda, seguindo o sentido da marcha do tráfico rodado, que mellorará a mobilidade.

Importante mellora na rede de saneamento
O Concello priorizou a realización desta obra sobre outras por motivos de saneamento, xa que durante as tarefas de revisión e mantemento da rede municipal foi detectado un mal funcionamento do colector instalado nesta rúa, ao que chegan as augas pluviais e residuais da rúa Pitanxo e de parte de Concepción Areal.
A obra de renovación dos servizos e humanización na Rúa do Tombo estase executando ao abeiro do Plan Concellos 2018-2019 da Deputación de Pontevedra da man da empresa Contrucciones Fechi. O orzamento de licitación foi de 172.248,57 euros, pero a adxudicación pechouse en 120763,47 euros.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies