Un cadro restaurado e un vídeo para celebrar o 120 aniversario do nacemento de Manuel Torres

15 xuño 2021

O día 17 de xuño celebrarase o 120 aniversario do nacemento do noso pintor marinense máis célebre, Manuel Torres, e o museo que leva o seu nome xa prepara algunha sorpresa para poder celebrar ese día.

Unha delas será a exposición do último cadro que pasou por un proceso de restauración da man da especialista Eva Fontoira. O cadro, no que se pode ver un hórreo, estaba sen firmar e sen rematar polo artista e agora, despois de gañar unha nova vida, poderá verse exposto nunha das salas do museo municipal.

Ademais, o Museo acollerá unha proxección durante todo o día dun vídeo documental sobre pintura onde pode verse ao propio Torres falando da súa traxectoria vital e artística.

Poderá verse no horario regular do Museo, de 11.00 a 14.00 e de 18.00 a 21.00 horas.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies