Contacto | Tel.:986 88 03 00

Un diploma para felicitar aos máis pequenos da casa pola súa loita contra o coronavirus

Nestes tempos de confinamento, onde temos que acostumarnos a vivir doutro xeito e con normas estritas e de obrigado cumprimento, os máis pequenos da casa levan demostrado a súa capacidade para resistir metidos na casa e practicando as medidas de prevención necesarias para loitar fronte ao coronavirus.

Na mente dun neno ou dunha nena pequena non sempre é sinxelo entender toda esta situación. Por iso, e aproveitando que o domingo poderán comezar a saír cos seus pais a dar pequenos paseos, a Policía Local quere darlles algo a cambio pola súa responsabilidade.

Durante os traballos de control e de vixilancia que se levarán a cabo, farán entrega aos rapaces duns diplomas acreditativos da súa loita contra esta pandemia. “Para iso”, advirten desde a Policía Local, “teñen que cumprir con todas as medidas asociadas a estes pequenos paseos que comezarán a dar o domingo”.

Con esta iniciativa, o corpo de seguridade local quere agradecer á veciñanza de menos idade a súa colaboración no bo transcurso do confinamento, premiándoos pola súa constancia e dándolles azos para afrontar as novas etapas que veñan.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies