Iníciase a enchedura do depósito da Costa, que entrará de novo en funcionamento

19 setembro 2022

A xestión da rede municipal de abastecemento da auga é un dos eixos de traballo do Goberno local, que hai seis meses iniciaba a obra de mellora e reforma do depósito da Costa, un depósito do que hoxe comezou a súa enchedura.

Trátase dunha obra de vital importancia para o municipio, xa que, xunto co depósito de Pedreiras, é o que abastece a todo o casco urbano de Marín. Durante os traballos, acondicionouse toda a instalación, incluindo a cámara de chaves, e renovouse a caldeirería e as válvulas, coa finalidade de facilitar o control e manipulación do sistema.

En total, investíronse crca de 163.000 euros, con cargo ao Plan Concellos, e está previsto, por tanto, que entre en funcionamento nas próximas semanas. Desde o Concello, inciden na “relevancia que ten facer inversións na boa xestión do ciclo da auga”, xa que se trata dun servizo público esencial.

Especialmente, a día de hoxe esta xestión correcta está no punto de mira, pola situación de prealerta por sequía que se esta a vivir con carácter global no noso país.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies