Contacto | Tel.:986 88 03 00

O Lago de Castiñeiras garante a súa eficacia como punto de recollida de auga en emerxencias

O peche da fisura e a limpeza dos fondos levada a cabo pola Concellería de Medio Ambiente na vaso hidráulico do Lago de Castiñeiras garante que este punto sexa efectivo como lugar de recollida de auga en caso de emerxencias e incendios, tal e como aconteceu nas últimas semanas.
A problemática que existía antes da intervención levada a cabo polo Concello de Marín comportaba unha falta de caudal no lago que poñía en perigo a atención aos incendios, dado que o helicóptero de emerxencias podía chegar a ter problemas para recoller auga, tendo que desprazarse a outros puntos máis lonxe.
As comunidades de montes, propietarias dos terreos, móstranse moi satisfeitas pola recuperación dunha das xoias do Parque de Cotorredondo e inciden na importancia que ten que o lago estea dispoñible para frear situacións de emerxencia que se poidan producir na contorna.
O Concello, a través da súa Área de Medio Ambiente, ten como prioridade a conservación e posta en valor deste enclave, no que xa levaron a cabo diversas actuacións de mellora, como a renovación da barandilla, a substitución dos vellos carteis por sinalizacións novas e a construción dos asadores, que converteron a Marín no primeiro municipio galego no que poder practicar esta actividade ao aire libre durante os meses do verán.

Dous novos parques infantís

O seguinte proxecto que ten entre mans o Concello no parque é a construción de dúas áreas recreativas infantís. Nesta actuación contará coa colaboración da Consellería de Cultura e Turismo, que aportará 75.000 euros. Así o anunciou a semana pasada o conselleiro Román Rodríguez, que asinou no Consistorio o convenio coa alcaldesa, María Ramallo.
O próximo día 23 rematará o prazo de presentación de ofertas e despois comezará o proceso de adxudicación dos traballos.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies