Xa está en marcha a obra do novo colector entre Pastoriza e Picotes

18 xaneiro 2022

A obra de creación dun novo colector entre Pastoriza e Picotes xa está en marcha, polo que este novo sistema de saneamento será unha realidade en tres meses, prazo de execución dos traballos.

Así o anunciou o concelleiro de Medio Rural, Pablo Novas, que se achegou ata o lugar das obras esta tarde, acompañado de representantes da empresa adxudicataria, EC Casas.

“Esta obra, que suporá unha inxección económica de cerca de 159.000 euros por parte do Concello con cargo ao Remanente de Tesourería, supón un importante proxecto para a mellora do saneamento do rural, xa que permitirá poñer fin aos problemas que desde hai anos dá o mal funcionamento da depuradora de Pastoriza”, explicou o edil.

A posta en marcha deste proxecto tivo o seu inicio nunha reunión coa veciñanza, coa que se consensuou clausurar a depuradora actual pola súa ineficacia (confirmada de xeito recurrente por informes técnicos) e proxectar unha nova canalización, “que permita prestar este servizo con calidade para os veciños e veciñas de Ardán”, explica Novas.

Tal e como comentou o concelleiro de Rural, “con este proxecto afianzamos o noso compromiso co saneamento e, en xeral, a prestación de servizos públicos municipais no rural, tratando de melloralos e prestalos coa maior calidade posible”.

O prazo de execución será de tres meses e, a partir de entón, o novo colector entrará en funcionamento.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies