A Policía Local activa o Programa Axente Titor para resolver situacións de absentismo escolar dixital

A crise sanitaria que estamos a vivir por mor da pandemia da COVID19 tamén afectou á educación, que tivo que reinventarse e utilizar as novas tecnoloxías para poñer en marcha a teledocencia, de tal xeito que a mocidade non perdese parte do curso escolar a pesar de non poder acudir fisicamente ao seu centro educativo.
Mais, aínda que cambia o modelo, seguen existindo problemas derivados da abstención escolar, polo que a Policía Local vén de pechar unha novidosa colaboración con Inspección Educativa e con cinco centros escolares do municipio para activar o Programa Axente Titor e así actuar nos casos de absentismo escolar dixital.
Segundo explicaron fontes da Policía Local, este programa xa está en activo desde esta mesma semana e ten por obxectivo “tratar de contactar con aquelas familias nas que se da este problema co alumno ou coa alumna, coñecer o motivo deste absentismo e tratar de darlle unha solución para evitalo”.
En total, contactarán con 22 familias, que son as que lles trasladaron os centros, e tratarán de facer un contacto presencial, sempre que sexa posible. Hai dous axentes da Policía Local destinados a este programa, que leva sendo deseñado desde hai meses e que estaba previsto poñer en marcha a partir do curso que vén, “pero decidimos iniciar xa este servizo debido á alta demanda derivada desta situación”.
Así a todo, de cara ao próximo curso o programa seguirá en funcionamento, cubrindo todas as áreas que contempla: solución do absentismo escolar, resolución de situacións de acoso, identificación de casos de consumo de drogas nos centros escolares, asesoramento e prevención en redes sociais e seguridade dixital e mellora da seguridade viaria no entorno das escolas e institutos.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies