Arranca a época festiva en Marín coa celebración do Carme

07 xullo 2021

O Concello de Marín dá inicio ao seu programa de dinamización do verán este venres, día 9, coa apertura dun rosario de actividades que pretende ser un motor cultural, de ocio e de reactivación da economía local, que combina actuacións de pequeno formato con outros pratos fortes, pero todos adaptatos ás circunstancias sanitarias.

Así, o venres abrirase ás 12.00 horas a mostra de artesanía do 9 ao 19 de xullo, na Alameda de Marín. Ás 17.00 horas, haberá fase clasifcatoria de Petanca, organizada pola Asociación Gharaboto, no Campo da Praza de España.

Chegadas as 20.30 horas, Pousos da Area inaugurará o ciclo de pasarrúas e fnalmente ás 21.00 horas dará comezo o pregón das Festas do Carme, que cambia a súa localización e pasa a celebrarse no Parque Eguren, co obxectivo de poder dar maior cabida aos espectadores. O pregoeiro José Francisco Gil Dopazo estará acompañado do grupo Picuíña e promete sorpresas nun pregón que, de seguro, será diferente.

A partir das 22.00 horas tomará o testigo a batucada Maracumbé Bloco polas rúas de Marín e media hora máis tarde, a partir das 22.30 horas, iniciarase a animación musical, con Somoza Trío en Almuíña e Praza de España; Algo pasa con Mary en Ezequiel Massoni e Los 3 Latinos en Méndez Núñez.

Sábado

O día 10 seguirá a petanca ás 10.00 horas, cunha primeira fase clasifcatoria, e ás 17.00 horas desputaranse os cuartos de fnal. A partir das 20.00 horas, haberá misa na honra de San Cristovo, na Igrexa de Santa María do Porto, e posterior procesión, coa colaboración da Asociación Cultural Chaneiros.

Ás 21.00 horas, o Parque Eguren acollerá o XV Certame de Bandas de Gaitas Virxe do Carme, organizado por Airiños de San Xulián, e que contará coa participación das bandas de Os Zoqueiros, de Porriño; Aires de Cobres, de Vilaboa, e Airiños.

A esa hora tamén haberá un espectáculo infantil a cargo do Mago Noel na Alameda e media hora despois a charanga Jalácticos encherá de son as rúas de Marín.

Rematado o certame, iniciarase no Parque Eguren o monólogo de Miguel Lago e ás 23.00 horas, comezará a animación musical con Algo pasa con Mary, Grupo Rever e Raúl & Cía, na Alameda, en Méndez Núñez e en Augusto Miranda, respectivamente.

Reunión cos pasarrúas

Por outra banda, a concelleira de Cultura, Beatriz Rodríguez, reuniuse esta mañá con representantes dalgúns dos pasarrúas que participarán nas festas para coordinar con eles os traxectos e itinerarios que seguirán nas súas actuacións.

Entradas París de Noia

Ademais, mañá a partir das 11.00 horas poderán reservarse as entradas para a actuación da París de Noia na Praza de España. O Concello lembra que se poderán coller a través da web do Concello, de Enterticket e no Museo Torres, de 11.00 a 14.00 e de 18.00 a 21.00 horas.

O concerto será sentados, polo que as entradas son dobles, é dicir, que por cada cadriño que se selecciona na web, estanse a reservar dous asentos.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies