Contacto | Tel.:986 88 03 00

Batería de medidas de acondicionamento dos cemiterios de cara ao Día de Defuntos

O Concello de Marín leva varias semanas preparando os cemiterios municipais para que estean a punto de cara á celebración do Día de Defuntos, unha xornada na que se da unha grande afluencia aos camposantos.
As brigadas municipais de xardinaría están acondicionando todas as zonas verdes e os bancais floreados dos cemiterios e se realizaron as labores de mantemento pertinentes naqueles lugares nos que foi necesario.
A estas actuacións públicas, súmanse as tarefas de acondicionamento dos particulares. Segundo indica o bando municipal, os propietarios deben realizar unha limpeza dos terreos, sepulturas e nichos e un pintado dos panteóns que non se atopen nas debidas condicións estéticas e de harmonización co resto do entorno. Antes de iniciar os traballos, deberán poñer en coñecemento do persoal encargado do cemiterio as actuacións que se pretenden levar a cabo.
Con respecto aos accesos, o Concello formigonou o camiño que da acceso ao Cemiterio de A Raña desde a rúa Ezequiel Massoni. Por outra banda, ten previsto habilitar unha finca municipal anexa a este camposanto como un aparcadoiro provisional para reforzar o servizo de estacionamento durante eses días.

Horario e normas de conduta
A visita aos camposantos poderá realizarse durante o horario de apertura habitual, que no caso dos días 31 e 1 será ampliado de 08.00 a 20.00 horas.
Segundo informa o Concello no bando, dentro de todos os camposantos municipais os usuarios e visitantes deberán manter en todo momento o respecto aos demais usuarios, mantendo unha actitude correcta.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies