Contacto | Tel.:986 88 03 00

Campaña de vacinación antigripal 2020

Informacion básica da campaña
Novidades:

– Utilización de 3 tipos de vacinas

– Vacinación en puérperas nos 6 primeiros meses tras o parto​
DATAS DE INICIO E FIN DA CAMPAÑA

​• Data inicio: 13 de outubro

• Data finalización: 31 de decembro.

NOVIDADES MÁIS SALIENTABLES

​• Utilización de 3 tipos de vacinas con catro nomes comerciais:

– Adxuvada trivalente: Chiromas 65 ou máis anos
– Alta carga tetravalente: Fluzone HD 65 ou máis anos en residencias.

– Tetravalentes: Vaxigrip Tetra 6 ou máis meses e menores de 65 anos.

Influvac Tetra 3 ou máis anos e menores de 65.

• Vacinación en puérperas nos 6 primeiros meses tras o parto.

ADMINISTRACIÓN DA VACINA FRONTE Á GRIPE

Esta vacinación realízase como consecuencia dunha decisión da autoridade sanitaria en materia de saúde pública, por un risco epidemiolóxico e co fin de preservar a saúde colectiva e a das persoas cun maior risco de desenvolver complicacións por esta enfermidade, polo que non require diagnóstico nin prescrición previa.

É importante este ano máis que nunca, concertar cita para vacinación nos centros de saúde e non acudir directamente sen estar citado.

POBOACIÓN DIANA

• Persoas de 60 ou máis anos, especialmente as persoas de 65 ou máis anos.

• Residentes en institucións pechadas (residencias de persoas maiores e outros centros de atención a crónicos).

• Mulleres embarazadas en calquera trimestre da xestación e puérperas nos primeiros 6 meses tras o parto se non foron vacinadas anteriormente.

• Nenos e adolescentes (de 6 meses a 18 anos) con tratamentos prolongados de ácido acetilsalicílico.

• Nenos de entre 6 meses e dous anos de idade que naceran prematuros (<32 semanas de xestación).

• Persoas menores de 60 anos e maiores de 6 meses con patoloxías de risco (definidas na instrución).

• Profesionais ou estudantes en práticas de centros sanitarios, servizos e establecementos sanitarios.

• Persoas que traballan en institucións xeriátricas ou en centros de atención a enfermos crónicos.

• Persoas que proporcionan coidados domiciliarios a pacientes de risco ou a persoas maiores.

• Conviventes (incluídos nenos) de persoas pertencentes a grupos de risco.

• Persoas que traballan en servizos esenciais para a comunidade.

• Traballadores expostos directamente ás aves domésticas ou porcos nas granxas ou explotacións avícolas ou porcinas, e tamén ás aves silvestres.

PAUTA DE VACINACIÓN

Unha dose (agás os menores de 9 anos, que necesitan dúas no caso de ser a súa primeira vacinación contra a gripe)

DISTRIBUCIÓN DE VACINAS:

Carga inicial

• Os centros pertencentes ao Sergas e hospitais privados recibirán carga inicial de doses sen ter que solicitala.

• Os restantes centros (centros médicos privados, residencias…) deberán solicitar a carga inicial de doses das diferentes vacinas á xefatura territorial da Consellería de Sanidade correspondente.

Días de distribución

• 13 – 23 de outubro: martes/mércores/venres.

• 26 outubro – 31 de decembro: martes/xoves.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies