Cerca de 40 aspirantes participan na proba de selección para os servizos de socorrismo deste verán

7 xuño 2021

A praia de Mogor volveu ser o escenario das probas físicas realizadas aos aspirantes a ocupar os 21 postos de socorrismo que se ofertan nos areias de Marín para garantir a seguridade dos bañistas durante este verán.

A concelleira de Turismo, Cristina Acuña, acudiu ata o areal para comprobar o bo proceder das probas, ás que se presentaron sobre 36 aspirantes, o que supón, en palabras da concelleira, “unha moi boa cifra de participación”.

Os aspirantes tiveron que realizar 250 metros de nado libre e unha carreira de 100 metros polo areal. A maiores, realizaron outra teórica, que consistirá na resolución dun cuestionario tipo test de 20 preguntas. Nas bases poden consultarse os temarios a tratar.

Unhas praias seguras e con servizos de calidade

A dotación de socorristas para os areias de Marín é un dos servizos que promoven unha boa distinción das nosas praias, que contan co distintivo de Bandeira Azul. Ademais, tal e como xa explicara a concelleira de Turismo, volven estar dispoñibles os lavapés e as duchas.

Ademais, acaba de rematarse o desbroce de todo o Vial de Praias e a limpeza de todas as areas. O que xa non se reporán serán as papeleiras, xa que foi unha práctica ben avaliada pola Adeac e que virá acompañada dun reforzo dos colectores de recollida separativa.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies