Marín iza as súas Bandeiras Azuis

30 xuño 2021

Os areais de Marín xa teñen izadas as súas Bandeiras Azuis. Esta mañá, a alcaldesa, María Ramallo, acompañada dos concelleiros Cristina Acuña e Manuel Santos e do persoal de socorrismo de Mogor elevaron o pano azul que distingue a calidade medio ambiental dos areais.

Ademais da calidade da auga, a ADEAC tamén premia outras cuestións relativas á boa saúde das praias e aos servizos que se prestan, como o balizamento, o socorrismo, as duchas e lavapés, a accesibilidade para persoas con mobilidade reducida…

Con esta distinción, remárcase que todas as praias da nosa vila contan con todos eses servizos dispoñibles e dotan de novos, como por exemplo a nova área de sombra para persoas con mobilidade reducida que se habilitou en Portocelo.

Por outra banda, xa están habilitadas as parcelas de aparcadoiro públicas na contorna das praias para aumentar a dotación de espazo onde deixar o coche.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies