Contacto | Tel.:986 88 03 00

O CIM de Marín fai balance da súa actividade durante o 2020

O CIM de Marín cumpre un importante labor de apoio e asesoramento, do que cada ano se fai un balance para poder coñecer como é a situación na nosa vila da muller e das vítimas contra a violencia de xénero.

A concelleira de Benestar Social, Marián Sanmartín, analizou esta mañá os datos que se corresponden co 2020, un ano que foi diferente a todos os niveis pero no que, a pesar de todo o vivido, a lacra da violencia machista non cesou e foi máis necesario ca nunca seguir prestando estes servizos asistenciais con calidade e eficacia.

De feito, este 25N o Concello decidiu outorgar os Premios Lazo Violeta a todos os departamentos e unidades de distintas administracións que están incluídas cando é preciso actuar nun caso de violencia machista, xa que o seu traballo foi moi importante durante a pandemia.

A nivel dos datos, segundo os aportados polo propio CIM, entre o 1 de xaneiro e o 14 de decembro de 2020 atendéronse 906 consultas de todo tipo: 186 de asesoramento xurídico, 444 de atencións psicolóxica e 167 de atención directa a vítimas de violencia machista, onde se inclúen tanto cuestións xurídicas como psicolóxicas e a atención derivada doutros servizos ou entidades.

Finalmente, tamén se informou en 92 ocasións dos distintos recursos, xornadas e actividades que realiza o Concello a través do CIM. No que respecta aos recursos, este ano o CIM tamén deu un paso adiante no seu labor de visibilización e de divulgación, abrindo unha nova páxina web na que se poden consultar moitos recursos sobre igualdade (www.cimdemarin.es).

Perfil de usuaria

Segundo os datos recompilados nas distintas actuacións, o perfil de usuaria do CIM é unha muller de entre 25 e 54 anos, sobre todo, que en moitas ocasións ten persoas dependentes ao seu cargo.

Tamén destaca que en moitas ocasións non teñen fillos e sobre todo son do ámbito urbano, aínda que tamén hai algún rexistro a nivel rural.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies