O Concello abrirá o xoves o prazo para inscribirse nos campamentos de verán de conciliación

07 maio 2021

Modelo Solicitude Campamentos

A concelleira de Benestar Social, Marián Sanmartín, anunciou esta mañá que o xoves 13 de maio abrirá o prazo de inscrición para solicitar unha praza nos campamentos de verán de conciliación que ofrece o Concello de Marín, dirixidos a nenos de entre 3 e 12 anos, é dicir, os nados entre o 2009 e o 2018.

A inscrición poderá realizarse de dúas maneiras: de xeito telemático, a través da sede electrónica do Concello de Marín, ou presencialmente, presentando a documentación requerida no Rexistro municipal.

Para facelo de xeito online é preciso contar con un certificado dixital. No caso de non telo, pode solicitarse ao Concello para conseguilo a través deste link: http://www.concellodemarin.es/expedicion-de-certificado-dixital/

No caso de que a solicitude de praza para o campamento se realice de maneira presencial é obrigatorio pedir cita previa, ben a través deste enlace (https://sede.concellodemarin.es/Default.aspx?key=ywhv8ARPM/nr0PlcW+YkqGlHCxwyahnGY0nQWQdIwck8HyJ2zrAVvRqgoeLAaM1KLV1sdjUoL42vFMc8B3XbhQ==) ou chamando ao teléfono 986 88 03 00. Neste caso, o máximo de solicitudes que pode presentar unha persoa é de 5.

As persoas interesadas terán de marxe os primeiros tres días da próxima semana para preparar a documentación e pedir as citas previas e así poder chegar ao xoves, día da apertura do prazo, con todo resolto. O prazo de presentación rematará o 26 de maio. O listado de prazas concedidas sairá o venres 28.

O precio será o mesmo que todos os anos, 30 euros por cada neno ou nena. Mantéñense as catro quincenas para os campamentos urbanos e as dúas para o rural, de tal xeito que se ofrecen 50 prazas por cada quincena no casco urbano e 25 en Seixo e Mogor. Unha das quendas do centro urbán redúcese das 75 prazas que se ofertaban outros anos ás 50 para garantir a seguridade e o aforo.

e ofreceranse 50 prazas para cada quincena estival para o campamento urbano. A reducción de prazas frente a outros anos, nos que se ofrecían 75, vén xustificada pola situación sanitaria e a necesidade de cumprir con aforos máximos. A esas prazas no casco urbano súmanse as 25 que se ofrecerán en Seixo e Mogor para as dúas quendas planificadas, que serán na segunda quincena de xullo e na primeira de agosto.

Outra novidade con respecto a este ano será o emprazamento no que se desenvolverán os campamentos urbanos, que pasarán do Sequelo ao CEIP da Laxe, por mor das obras que albergará o centro durante o verán, que impiden a prestación deste servizo con seguridade.

Forma de pago

O pago do prezo público poderá realizarse mediante domiciliación bancaria, por pago telemático ou de xeito presencial nas oficinas da Tesourería municipal.

Para o pago por domiciliación bancaria, o solicitante debe autorizar ao Concello de Marín para adebedar na conta que se indique (da que o solicitante debe ser titular) o importe do prezo público. O cargo na conta será realizado o 4 de xuño de 2021.

A domiciliación que se autorice será exclusiva para o pago do prezo público de campamentos de verán do ano 2021, non afectando ao outros tributos ou ingresos de dereito público nin a períodos posteriores. Se o cargo do prezo público non é atendido nos prazos establecidos para elo, considerarase que NON foi efectuado o pago.

No caso de realizar o pago telemático, haberá de prazo ata o día 7 de xuño de 2021. Para elo o solicitante pode efectuar o pago con cargo a unha tarxeta bancaria a través da pasarela de pago do Concello de Marín. O procedemento a seguir é o seguinte:

• Entrar na sede electrónica do Concello de Marín (sede.concellodemarin.es)
• Clickar na opción RECIBOS E IMPOSTOS > módulo de AUTOLIQUIDACIÓNS DE TAXAS E PREZOS PÚBLICOS > opción CAMPAMENTOS DE VERÁN
• Xerar a autoliquidación. Deberá efectuarse a correspondente autoliquidación por importe de 30,00 euros.
• Elixir opción de pago: unha vez elaborada a autoliquidación deberá escollerse a opción de PAGAR ONLINE, que o dirixirá a unha pasarela de pagos na que se pode efectuar o pago con cargo a unha tarxeta emitida por calquera entidade financeira.
• Efectuar o pago. Elixir a opción de PAGO POR LA PASARELA DE CECA e premer o botón de PAGAR CON TARJETA

Se o pago quere realizarse presencialmente nas dependencias da Tesourería do Concello de Marín, deberá ser en horario de 9:00 a 14:00 horas entre os días 1 e 11 de xuño, para o que debe solicitar cita previa na sede electrónica do Concello de Marín ou chamando ao número de teléfono 986 88 03 00.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies