Contacto | Tel.:986 88 03 00

O Concello amplía a catro anos o tempo de adxudicación das hortas urbanas do Sequelo

O Concello de Marín, a través da Concellería de Medio Ambiente, quere continuar coa promoción das Hortas Urbanas Ecolóxicas como unha alternativa de ocio saudable para aqueles veciños que se interesen pola agricultura tradicional e ecolóxica, actividade que ven dando os seu fruto dende o ano 2012 na zona posterior do pavillón do Sequelo, con gran éxito entre a poboación.
As hortas urbanas están concebidas como un sistema que permite o cultivo individual de pequenas parcelas de terra de forma tradicional mediante o emprego de técnicas de cultivo ecolóxico, quedando prohibida a utilización de calquera elemento químico, ben sexa fitosanitario, herbicida ou abonado.
O proxecto pretende fomentar esta actividade lúdico-educativa de desenvolvemento sostible, na que os veciños tomen unha parte activa. Este ano, abrirase de novo o concurso para poder conseguir unha destas hortas. A novidade que aporta o Concello desta vez é que a cesión de uso da horta será por catro anos e non por dous, tal e como estaba estipulado ata agora.

En total, no Sequelo existen 71 parcelas, que se repartirán da seguinte forma:
• 40 hortas para persoas xubiladas ou pensionistas
• 15 hortas para persoas en paro que non reciban prestación por desemprego.
• 12 hortas para a veciñanza en xeral.
• 4 hortas para persoas con discapacidade (≥33%) ou que demostren intolerancias
químicas.

Tal e como xa se ven facendo nos últimos anos, dado o incremento da demanda de solicitudes para a adxudicación das hortas, que sempre supera á oferta, para aquelas solicitudes que teñan o mesmo enderezo de empadroamento só de admitirá unha.
A adxudicación das hortas farase por sorteo entre os solicitantes de cada un dos grupos. Ademais, no caso de que algún dos adxudicatarios xa tiveran desfrutado dunha parcela o ano anterior, gozarán de novo dese mesmo terreo.
Se algún dos grupos antes referenciado non se chegase a completar cas solicitudes presentadas, sortearanse as vacantes entre o resto de persoas dos outros grupos.

Requisitos dos solicitantes e documentación a presentar
Poderán solicitar parcelas:

– Persoas xubiladas ou pensionistas
– Persoas en paro sen prestación por desemprego
– Persoas con Discapacidade
– Intolerantes Químicos
– Veciñanza en xeral
O lugar de presentación de solicitudes será o Rexistro Xeral do Concello, sito na Avd. de Ourense s/n, achegando a seguinte documentación:
– Instancia xeral solicitando formar parte da convocatoria para obter o correspondente permiso para explotar unha das hortas urbanas.
– Fotocopia do DNI ou tarxeta de residencia.
– Volante de empadroamento que xustifique levar empadroado en Marín un mínimo
de dous anos.
– Documento acreditativo de acharse en situación de desemprego e non percibir
prestación algunha.
– Documento acreditativo de acharse en situación de xubilación.
– Documento que acredite dispoñer como única fonte de ingreso unha prestación
por invalidez.
– Documento de grado de minusvalía.
– Informe médico de Intolerancia Química.
Prazo de presentación de solicitudes e procedemento de adxudicación
O prazo de presentación de solicitudes comezará o luns día 16 de decembro de 2019 e finalizará o venres día 3 de xaneiro de 2020 (ambos incluídos).
O sorteo das parcelas realizarase o vindeiro venres día 10 de xaneiro de 2020 nas dependencias municipais ás 12 horas.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies