O Concello aproba a Conta Xeral de 2019

O concelleiro de Facenda, Manuel Santos, presidiu este mediodía a Comisión Especial de Contas, na que participan os mesmos membros da Comisión mensual de Facenda, e na que se aprobou a Conta Xeral de 2019.

Esta conta pon de manifesto a xestión realizada no aspecto económico e orzamentario do Concello, sendo como unha especie de balance e de fotografía do que se realizou durante ese exercicio a nivel financeiro.

Trátase dun documento técnico, elaborado polo departamento de Intervención, que agora pasará a exposición pública durante 23 días e que despois será validado polo Pleno de xaneiro de 2021. Finalmente, será remitido ao Tribunal de Contas.

Este ano dáse a peculiaridade de que se amplía o prazo de presentación desta conta até o 22 de xaneiro de 2021, debido á paralización de trámites que se produciu durante o Estado de Alarma provocado pola Covid19.

A nivel endebedamento, Santos destacou que o exercicio 2019 foi pechado sen ningunha débeda con ningunha entidade financeira. Por outra banda, o remanente de tesourería para gastos xerais ascende a 2.588.291,53 euros.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies