O Concello continúa traballando na divulgación do seu patrimonio cun proxecto de sinalización das fontes

13 xaneiro 2021

A divulgación e unha correcta sinalización do noso patrimonio cultural é unha das tarefas nas que se atopa inmerso o Goberno local, que adicará algo máis de 13.500 euros a sinalizar e localizar correctamente as fontes que forman parte do catalogo patrimonial do municipio.

Esta inversión realizarase con cargo a unha subvención outorgada pola Deputación de Pontevedra e ten por obxecto mellorar a accesibilidade a estes bens materiais que forman parte da historia de Marín, así como foron tamén os lavadoiros.

No caso destes últimos, tamén se levou a cabo recentemente un importante labor de mellora da difusión e de sinalización, coa renovación de todas as sinais indicativas e coa creación dunha web específica (https://www.lavadoirosdemarin.com/), a través da cal poden coñecerse os máis de 50 lavadoiros que salpican a paisaxe da nosa vila.

Ademais, neste caso levouse a cabo un intenso traballo de documentación fotográfica e de datos, que en moitos casos axuda a comprobar algunhas das melloras das que foron obxecto algúns dos lavadoiros, como por exemplo o de Río de Casás, ao que se lle renovou a cuberta e se lle adecentou a contorna.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies