O Concello e ELDS fan un moi bo balance do proxecto Signar, desenvolto nos centros educativos

30 xuño 2021

A lingua de signos permítenos a comunicación coa comunidade de persoas xordas, mellorando a inclusión da nosa sociedade. Para dotar ao alumnado de Marín desta ferramenta, o Concello adheríuse ao proxecto Signar, impulsado polo colectivo En Lingua de Signos (EDLS), grazas ao cal foron realizadas 90 sesións nos distintos centros educativos de Marín.

Nestes obradoiros, a rapazada de Marín aprendeu o básico sobre a lingua de signos, “e foi unha moi boa experiencia, da que facemos un bo balance”. Así llo explicaron representantes do colectivo á alcaldesa, María Ramallo, e á concelleira Marián Sanmartín.

Desde o Concello tamén apuntan á importancia de levar a cabo iniciativas coma esta, que permitan mellorar a nosa maneira de relacionarnos coas persoas que teñen algún tipo de problema, como o caso da comunidade xorda, aprendendo os seus códigos e apostando pola inclusión plena.

Adaptación de contidos con QR

De cara ao futuro, o Concello seguirá traballando con ELDS para iniciar un proxecto de adaptación de contidos audiovisuaus, de texto, carteis, páxinas web… que poderán contar cunha tradución locutada e en lingua de signos, para que poida ser consultada por calquer persoa.

Sobre todo, farase fincapé en contar con este servizo nos contidos turísticos e de servizo, que son os máis utilizados pola cidadanía.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies