O Concello inicia os labores de limpeza nos leitos dos ríos

O Concello iniciou este martes a limpeza do leito dos ríos que pasan polo termo municipal, para manter estes ecosistemas no mellor estado posible e permitir que o caudal da auga discorra correctamente.

O concelleiro de Medio Rural, Pablo Novas, visitou esta mañá o paseo anexo ao río Lameira, onde se iniciaron estes traballos, consistentes na trituración de maleza nos laterais e no fondo dos vasos hidráulicos.

No río Lameira actuarase desde Ponte Zapal até a ponte de Coirados, así como na zona do río que pasa por detrás do Sequelo. Despois, continuarase a limpeza no Río da Grela, desde a ponte de Coirados até o lavadoiro da Presa.

A continuación, procederase ao desbroce do Río da Laxe, desde a ponte o camiño do Peso á parcela que está tras o supermercado Mercadona, incluíndo o corte e a recollida das cañas do talude que está no CEIP A Laxe.

E, finalmente, actuarase no Río Lapamán, desde a estrada xeral, e o no Río Castiñeiras, desde o lavadoiro de Coirados ao muíño antigo ubicado na Roza.

Esta limpeza, que se fai todos os anos en outono, ten por obxecto a prevención de cara á época de chuvias do inverno de posibles desbordes e atrancos no leito, que poden ocasionar danos nas zonas máis poboadas polas que discorren estes ríos.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies