Xa temos ás persoas beneficiarias das 100 tarxetas regalo por valor de 50 euros que se sortearon oficialmente esta mañá na Sala de Xuntas do Concello, coa presenza das concelleiras Marián Sanmartín e Cristina Acuña e un funcionario que levantou acta.
As persoas afortunadas serán contactadas telefónicamente entre hoxe e mañá e terán que recoller a súa tarxeta na Oficina de Turismo da Praza de España, os días 8 e 9 de maio, en horario de 11.30 a 20.30 horas. Terán ata o 30 de xuño para consumir a tarxeta, sempre no comercio e hostalaría locais de Marín.
