A humanización da contorna do Mercado de Seixo, xa en licitación

17 setembro 2021

O centro de Seixo está a transformarse a nivel urbanístico. Despois de rematar a humanización da Rúa Camiño Vello e de habilitar un novo aparcadoiro disuasorio totalmente céntrico, agora é a quenda dun dos grandes proxectos para a parroquia: a humanización do entorno do Mercado Municipal de Seixo.

O proxecto, que está aprobado e co seu proceso de licitación iniciado, permitirá mellorar esta zona central da parroquia, que actualmente está infrautilizada e non cumpre cos estándares esixibles para unha mobilidade adecuada. De feito, tal e como explica o concelleiro de Medio Rural, Pablo Novas, “é evidente que este espazo ten unha configuración desordenada, ademais de que necesita con urxencia a renovación dos servizos de abastecemento, saneamento e alumeado”.

Con este proxecto, reformularase a rúa para que teña plataforma única, con uso prioritario de peóns e cunha plaza anexa a nivel que permita usos múltiples de ocio e desfrute do entorno urbano. En total, aumentarase o espazo peonil en máis de 800 metros cadrados. Tamén se renovarán a xardinaría, a sinalización e o mobiliario urbano.

O orzamento global do proxecto ascende a case 730.150 euros, dos cales 548.058,39 serán aportados pola Deputación de Pontevedra, a través do Programa ReacPon. O prazo de execución da obra será de 6 meses.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies