Adxudicado o proxecto de renovación e mellora do alumeado público en Castro

Adxudicado o proxecto de renovación e mellora do alumeado público en Castro

10 maio 2021

O Concello de Marín traballa intensamente para dotar a toda a veciñanza, tanto do casco urbano como do rural, de servizos públicos de calidade. Por iso, realiza importantes inversións en materia de renovación, mantemento e outras cuestións relacionadas co alumeado público, o saneamento, o abastecemento…

Nesta ocasión, levarase a cabo unha renovación e mellora da instalación do alumeado público exterior no lugar de Castro, unha “actuación moi necesaria”, segundo fontes do Goberno local, dado que é importante reforzar este servizo naqueles lugares onde a instalación estea máis deteriorada e de tal xeito que se siga traballando na estratexia de renovación de luminarias que se está levando a cabo en todo o municipio.

A actuación resultou adxudicada á empresa Vilela Electricidad, por un orzamento de 53.529,76 euros, financiado a través dunha baixa do Plan Concellos. A empresa terá un prazo de 45 días para a elaboración dos traballos.

Esta obra suporá unha mellora da eficiencia enerxética de toda a instalación, substituíndo as fontes de luz actuais por luminarias de tecnoloxía LED. Tamén se renovarán todos os brazos metálicos xa existentes, e que se atopan nun avanzado estado de deterioro, e o cableado. Pero ademais reforzarase a dotación deste servizo, coa colocación de novos puntos de luz, que terán poste, brazo e luminaria.

Anterior A reforma da Casa do Mar para habilitar o futuro Centro de Día ou a pavimentación de Ponteporto, algunhas das actuación que o Concello realizará grazas ao remanente

WEBS ASOCIADAS

CONTACTO

Avda. Ourense s/n

2022 Concello de Marín. Todos los derechos reservados