As profesionais condutoras dos servizos de transporte, colectivo homenaxeado no 8M

9 febreiro 2022

A concelleira de Benestar Social, Marián Sanmartín, e a directora do CIM, Marián Sánchez, presentaron esta mañá o colectivo de mulleres ao que se lle adicará a conmemoración do Día Internacional da Muller, o 8 de marzo: as profesionais condutoras dos servizos de transporte.

Elas son, coma todos os anos, as protagonistas da viñeta do ilustrador galego Luís Davila. “Ao volante cara á igualdade” é o lema escollido este ano, co obxectivo de visibilizar o traballo destas profesionais, que forman parte dun sector altamente masculinizado e estereotipado.

“Para as mulleres, o acceso libre a empregos tradicionalmente masculinos é unha barreira difícilmente superable, complicada pola súa imaxe estereotipada, considerando que son competencias exclusivamente dos homes”, explican desde o Concello e o CIM e, por iso, este 8M tratará de poñer sobre a mesa os nomes e os casos de mulleres que se adican ao sector do transporte, como viven esa fenda de xénero e como foi a súa traxectoria laboral.

Ademais, tal e como acontece con outros traballos de diversa índole, a incorporación das mulleres a un emprego de calidade, nas mesmas condicións ca os homes, non sempre se cumpre. Polo que é preciso reivindicar a igualdade real e total no ámbito laboral e, sen dúbida, no social e doméstico.

Como todos os anos, o Concello fará tazas conmemorativas coa viñeta de Davila, que se repartirán cerca da data no Mercadiño. Todo isto verase apoiado por actividades nos centros educativos, como a charla sobre agresións e acoso sexual que irá pasando polo alumnado de Secundaria.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies