Gala do deporte
Cada ano, Marín celebra a Gala do Deporte, coa que recoñecer ás figuras máis relevantes do noso deporte base. Comezou hai case dez anos e a día de hoxe é unha cita ineludible no calendario deportivo do municipio.
Listado de gañadores 2026
IVÁN GARCÍA MARTÍNEZ
Polos éxitos acadados durante o 2025, sendo o nº9 do ranking mundial e o 11º no ranking olímpico. Proclamouse Campión de España, Campión de Europa por equipos absoluto e leva ás súas costas catro ouros, entre outros galardóns.
ARLET ORTIZ BENITO
Por ser Campioa de España absoluta, bronce no Campión de Europa por equipos, quinta no Mundial Feminino e ostentar o 13º posto no ranking mundial e o 27º no olímpico, así como outras medallas en opens internacionais son só algúns dos seus logros durante o 2025.
XIÁN GUTIÉRREZ DOPAZO
Polo despunte da súa carreira deportiva no 2025, quedando 1º clasificado no Campionato de España de Remo Indoor e no Xuvenil Galego de Remo Olímpico de Longa Distancia, entre outros podios.
ÁNGELA BALADO CONDE
Por deslumbrar nun 2025 redondo na categoría cadete, converténdose en Campioa de Europa, de España e de Galicia na súa categoría, ademáis de conseguir o bronce no Campionato do Mundo.
pilar vázquez bouzas
Por demostrar que a veteranía tamén é sinónimo de éxito, acadando a segunda clasificación no individual e a terceira na modalidade mixta no Campionato Galego de Remo Olímpico. Tamén quedou en terceira posición no autonómico de Remo Indoor e na XXXI Copa Primavera.
paula garcía vázquez
Por rachar con todos os límites, conseguindo segundas clasificacións na individual paralímpica do Campionato Galego de Remo Indoor e no PR3 mixto absoluto do autonómico de Remo Olímpico, así como terceiras posicións no Campionato de España e na Copa Primavera.
EMILIO GUTIÉRREZ JALDA
Polo seu bo facer á fronte dun club que só na tempada 24/25 acadou en varias categorías e competicións seis ouros, seis pratas, nove bronces, dous deportistas convocados pola Selección Galega, unha pola Española Paralímpica e outro pola Española. Unha auténtica fazaña.
CLUB DEPORTIVO CD LA PEÑA
Pola súa evolución e dinamización da vida deportiva, pasando en apenas 12 anos de ser un único equipo a contar con 18, conformados por 212 xogadores e xogadoras e conseguindo no 2025 resultados deportivos históricos no Campionato de España e Galego Infantil Feminino e na Copa Galicia Infantil Masculino.
sei san narciso
Pola súa xenerosidade e aposta polo deporte base, acollendo nas súas instalacións a actividade diaria de diferentes clubes e rubricando convenios cos que, entre outras cousas, favorece a residencia de xogadores en réxime completa, algo indispensable para que Marín poida ser sede de eventos deportivos de calado.
open boxeo ence villa de marín
Por ser un evento referente a nivel europeo que non para de crecer e que na edición do 2025 trouxo a Marín a 700 boxeadores/as, 300 técnicos/as e 150 equipos participantes procedentes de 8 países diferentes, que desputaron case 500 combates en apenas un fin de semana.
RAQUEL CARRAGAL DA COSTA
Pola súa empatía e solidariedade, poñendo toda a súa capacidade deportiva en favor da visibilidade de enfermidades como a esclerose múltiple, o cancro infantil e outras enfermidades raras, colaborando con asociacións como EMMO, Bicos de Papel ou Loita nos seus retos.
CLUB MARÍN PEIXEGALEGO
Polo incansable labor exercido ao longo dos máis de 30 anos de traxectoria de formación e adestramento dunha das canteiras máis importantes de Galicia, sumando a día de hoxe a máis de 300 nenos e nenas practicando basket baixo o seu paraugas.
CARREIRA E ANDAINA PINGA PINGA
Polo compromiso e esforzo desinteresado e totalmente altruísta que fan cada ano no desenvolvemento deste evento deportivo do Club Pinarium que ten lugar en Santomé de Piñeiro e que se converteu nunha das probas populares con máis sona do panorama atlético popular galego.
ASOCIACIÓN CULTURAL E DEPORTIVA GHARABOTO
Polo seu traballo incansable na recuperación, mantemento e reactivación dos xogos populares, que son parte do patrimonio inmaterial galego e que están achegando aos máis pequenos para que non se perda a súa práctica e coñecemento.
WEBS ASOCIADAS
CONTACTO
2026 Concello de Marín. Todos los derechos reservados