Érguete formará a 12 persoas desempregadas no sector dos coidados no fogar

10 maio 2022

A concelleira Mónica Viqueira, acompañada pola diputada provincial Olga María García, así como de Carmen Avendaño e da directora de Érguete, Ana María Álvarez Franco, inauguraron recentemente o curso que este ano se está a desenvolver na nosa vila no marco do proxecto Emprego Inclusivo.

Esta iniciativa está pensada para mellorar a empregabilidade das persoas en risco de exclusión social, facilitando a súa incorporación ou reincorporación ao mercado laboral, mediante formación ou capacitación técnica e prácticas en empresa.

Nesta ocasión, 12 persoas desempregadas están a formarse no sector dos coidados, “que ten unha alta demanda de profesionais”, explica a concelleira. A formación será dun total de 200 horas, nos que se incluirán sesións sobre o perfil das persoas asistidas e os conceptos de autonomía persoal e dependencia; sobre como intervir con persoas dependentes; primeiros auxilios, prevención de riscos, formación en igualdade e, ademais, manipulación de alimentos alérxenos e de intolerancias alimenticias.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies