Maios

Maios

A Festa dos Maios é unha tradicións populares que máis raigame ten na nosa vila. Esta costume, que nalgúns puntos da xeografía galega foi perdendo forza e incluso desaparecendo, segue moi viva en Marín. Iso é grazas á sociedade marinense, especialmente a aquelas persoas que mantiveron a celebración desta festa, coidando da tradición e dándolle impulso naqueles momentos nos que máis o precisaba.

Os Maios, como ben é sabido, están encadrados nas celebracións do Ciclo do Maio, que se celebra nesta época do ano na que a natureza esperta do seu longo letargo invernal. Por tanto, aínda que a festa tratou de ser cristianizada en diversos momentos da nosa historia, ten unha orixe profana, pensada como un canto á natureza por parte das clases populares.

Segundo a súa feitura, os Maios poden clasificarse en humanos, nos que se engalana a un neno, ou figurados, sendo estes últimos os máis típicos na provincia de Pontevedra. Á súa vez, estes poden clasificarse en enxebres, artísticos e embarcacións.

En Marín, os Maios comezaron celebrarse en 1953, ao facerse cargo da súa organización a Asociación Ateneo Santa Cecilia. Entre os maios máis importantes de Marín están “Da Ribeira”, “Da Banda do Río”, “Da Costa”, “Da Mouta” ou “Da Laxe”.

WEBS ASOCIADAS

2022 Concello de Marín. Todos los derechos reservados