Marín contratará a segunda fase do proxecto de dixitalización das súas fontes documentais

22 novembro 2021

A dixitalización do noso patrimonio bucrocrático e cultural é unha necesidade que teñen que levar a cabo as institucións públicas para salvagardar toda a documentación de interese pública xerada ao longo das últimas décadas.

Nesta liña, o Concello de Marín xa leva realizado accións para catalogar dixitalmente parte do seu arquivo, á vez que se melloraba a súa conservación física, renovando caixas e encadernacións gastadas por mor do paso do tempo.

Agora, é preciso continuar cunha segunda fase, coa que se prenteden conservar 163.500 imaxes, comprendidas en 364 volumes, correspondentes a fontes documentais, bibliográficas e cartográficas, que conten con información de interese para os cidadáns do concello e para a investigación histórica e documental.

A Xunta de Goberno local aprobou recentemente o inicio do expediente de contratación desta segunda fase, na que se investirán 90.000 euros con cargo a unha subvención da Amtega (Axencia para a Modernización Tecnolóxica de Galicia). Ademais, deste xeito o contido poderá ser consultado e difundido a través de Galiciana-Patrimonio Dixital de Galicia, un programa cofinanciado co Fondo Europeo de Desenvolvemento Rexional.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies