Contacto | Tel.:986 88 03 00

O Concello aproba a instrución que servirá de base para a nova ordenanza de regulación de terrazas

30 abril 2021
A alcaldesa de Marín, María Ramallo, informou esta mañá de que xa se firmou a instrución que
establecerá as condicións xerais para a tramitación de solicitudes de autorización de terrazas que
deben pedir os hostaleiros de cara a ocupar a vía pública cos veladores.

Esta instrución é un trámite previo á modificación da actual ordenanza, xa que este proceso durará “en
torno a seis meses”, tal e como indicou a rexedora, “xa que require un trámite de consulta pública
previa á súa aprobación inicial e un posterior trámite de información pública de 30 días hábiles”.

Por iso, o Concello adianta esta instrución co obxectivo de facilitar aos hostaleiros que soliciten a
colocación de mesas e cadeiras para que poidan seguir prestando ste servizo, “que se volveu esencial
nestes momentos de pandemia, dada a súa maior seguridade que supoñen fronte aos interiores”.

No Concello de Marín, o sector hostaleiro ten un enorme peso na economía local. Ramallo sostén que
“as terrazas fan cidade, incrementando as posibilidades de lecer dos cidadáns e constituíndo un
atractivo máis na promoción turística do municipio”. “Ademais”, engade a alcaldesa, “non podemos
obviar todo o tecido laboral que xeran ao seu redor”.

Desde o inicio da pandemia, desde o Concello buscáronse alternativas para poder garantir á hostalaría
a colocación de mesas, cumprindo sempre con todas as esixencias sanitarias que se foron e se van
marcando en cada momento.

Dada esta circunstancia, “somos conscientes de que a terraza está a constituír un elemento clave para
garantir a supervivencia dos locais e por iso temos que poñer todo o noso esforzo para conseguir que
poidan seguir funcionando, mantendo as medidas e pedindo toda a responsabilidade tanto a
hostaleiros como a clientes”.

De cara a unha estética homoxénea nas terrazas
Esta instrución pretende ser unha base de cara á nova ordenanza que se tramitará ao longo destes seis
meses. Nesa nova ordenanza, recolleránse unha serie de criterios estéticos para os elementos que
conformen as terrazas, “para que pouco a pouco consigamos facer máis homoxéneo o mobiliario que
está no espazo público”, explica a alcaldesa.
Na instrución, xa aparecen definidos os elementos de mobiliario urbano que poderán integrarse nas
terrazas:
● Os veladores, compostos por unha mesa e un máximo de catro cadeiras
● Elementos de sombra, como antucas, parasois ou pérgolas
● Elementos de climatización, como calefactores ou ventiladores
● Paramentos desmontables, como paraventos, enreixados, sebes en macetas, plantas ou outros
elementos calquera que delimiten en liña vertical a zona ocupada
● Tarimas, nos supostos nos que sexa necesario pola inclinación da rúa
Todos os elementos que se instalen terán que constar na licenza da terraza e cando sexa preciso
ancorar un toldo a unha parede, haberá que solicitar de xeito paralelo unha licenza urbanística ou
tramitalo a través dunha delcaración responsable. Ademais, en caso de que se permita a instalación
deste elementos, terán que ser dunha mesma cor, non puidendo utilizarse modelos diferentes nunha
mesma terraza e non se poderá poñer publicidade.
O obxectivo é que todo este mobiliario “sexa de material resistente, de fácil limpeza e cun deseño
atractivo, que utilice cores neutras”, explica a rexedora, que detalla que serán de uso preferente o
negro, o branco e o gris metalizado, ou similares. Estará prohibido realizar ancoraxes ao pavimento,
ás fachadas ou ao mobiliario urbano.

Dous anos de tempo desde a aprobación da ordenanza
Esta instrución será enviada agora ao BOP para a súa publicación, momento no que entraría en vigor.
A partir de entón, os hostaleiros poderán mercar elementos novos para as súas terrazas xa seguindo os
patróns e os modelos exemplificados que aparecen nela, que se poderá consultar na web do Concello.
Unha vez a ordenanza estea redactada e saia adiante, a partir da súa aprobación, os hostaleiros terán
unha marxe de dous anos para ir pouco a pouco actualizando o seu mobiliaro ás novas condicións
xerais que recollerá o novo documento municipal.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies