Contacto | Tel.:986 88 03 00

O Concello e Depolgal lanzan unha campaña para concienciar á cidadanía da necesidade de trampear contra a velutina

27 abril 2021

A loita contra a vespa velutina leva librándose desde o 2012 na nosa comunidade. En Marín, a asociación Depolgal colabora co Concello na eliminación desta praga, ademais de apoiarse no servizo da Xunta de Galicia que, a través do 112, retira os niños nos lugares nos que van aparecendo, polo que é preciso que os veciños chamen a este número sempre que identifiquen un.

Unha das cousas máis importantes que destacan desde a asociación é a necesidade de actuar de xeito colectivo, especialmente na prevención, colocando trampas nas que poidan caer as raíñas, para así frear a proliferación de exemplares desta vespa invasora.

Ata a chegada da pandemia, Depolgal realizaba charlas formativas para ensinarlle á veciñanza como facer trampas caseiras, pero por mor das restricións sanitarias, estas formacións quedaron paralizadas. Por iso, e ante a chegada da primavera, o Concello e a asociación, a través de Sergio Vázquez, o seu portavoz, lanzan unha campaña de concienciación que pretende ensinar á veciñanza a importancia de trampear.

Sergio explica que realizar as trampas durante a primavera é o ideal “porque é cando a raíña sae da hibernación para alimentarse e para facer os niños primarios”. Estes niños aparecen no chan, nos aleros das casas, nos galiñeiros… “por iso especialmente a xente do rural ten que estar pendente”, explica.

Para previr que saian eses nidos primarios, trampéase agora e así evítanse tamén os niños secundarios. “Sabemos que a problemática da velutina é un problema de saúde pública e por iso temos que tratar de poñer da nosa parte e así atallar o problema”, explica el miembro de Depolgal.

“O que pretendemos con este vídeo é achegar dun xeito sinxelo a todo o mundo as instrucións para realizar as trampas, concienciar do problema real que supón e seguirá supoñendo a vespa velutina e da necesidade de que toda a veciñanza colaboremos no seu control”, explica o Goberno local.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies