O Concello facilita a tramitación da renovación de terrazas para a hostalaría

O Concello facilita a tramitación da renovación de terrazas para a hostalaría

A renovación para a instalación de terrazas e veladores será un trámite moito máis sinxelo a partir deste ano. A concelleira de Medio Ambiente e Benestar Social, Marián Sanmartín, informou de que a partir do novo ano a hostalaría que queira renovar a súa licenza para instalar este mobiliario só terá que encher un formulario que atoparán na sede electrónica.

Ata o momento, de cada renovación era preciso solicitar de cero a licenza, tendo que presentar ano tras ano toda a documentación requerida para que esta sexa outorgada por parte do persoal técnico do Concello. “A partir de agora”, explica Sanmartín, “simplificamos ese procedemento para que tanto a nivel dos propios hostaleiros como do Concello sexa máis sinxelo tramitar esta instalación”.

Na solicitude, os demandantes deberán indicar os seus datos e os do local e o prazo de ocupación da vía pública: anual, por tempada (do 1 de xuño ao 30 de setembro) ou por meses completos, indicando neste caso cal sería o mes inicial e cal o de remate. Tamén deberán escoller a modalidade de pago, tendo como opcións un pago único ou o fraccionamento en tres cotas de igual cantidade (unha posibilidade que só terán aqueles que fagan unha ocupación anual da vía pública).

Como novidade, a solicitude tamén inclúe a posibilidade de solicitar que esta autorización se extenda dun ano a catro anos, “cando antes só era posible facelo por unha anualidade”.

Anterior Marín volverá celebrar a súa Gala do Deporte o 20 de xaneiro

WEBS ASOCIADAS

CONTACTO

Avda. Ourense s/n

2022 Concello de Marín. Todos los derechos reservados