O cribado do Museo Torres realizou até o momento 1331 tests, detectando 89 positivos

19 xaneiro 2022

As autoridades sanitarias informaron esta mañá ao Concello de que o cribado instalado no Museo Manuel Torres desde o día 10 de xaneiro realizou 1331 tests, grazas aos cales foron detectados 89 positivos. Os datos contabilizan de momento até o día 16 de xaneiro.

A alcaldesa, María Ramallo, quixo recordar esta mañá a toda a poboación de Marín e da contorna “que este cribado segue aberto e dispoñible. Así como se notou unha elevada afluencia de persoas que viñan facerse unha proba nos primeiros días, si que houbo un lixeiro descenso nos últimos días”.

Tamén houbo persoas que, a pesar de pedir a autocita, non acudiron ao cribado, xa que a contabilización indica que se citou a 1648 persoas, fronte ao número de test realizados.

De momento, pode seguirse solicitando unha cita a través da web coronavirus.sergas.gal/cribado/. O servizo está dispoñible de luns a domingo, de 8.30 a 13.40 e de 15.30 a 20.40 horas.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies