O Paseo Alcalde Blanco comeza cambiar a súa fisionomía

2 xullo 2021

Marín Dusi vai avanzando, tendo practicamente rematada unha das súas actuacións máis relevantes, a humanización da Avenida de Ourense, e con outra avanzando a moi bo ritmo, a remodelación do Paseo Alcalde Blanco.

Ata alí achegouse a alcaldesa, María Ramallo, que recordou que Marín é un dos poucos concellos galegos “que conseguiu financiamento da Unión Europea a través dos Fondos Feder, porque temos un proxecto sólido para seguir creando o Marín que queremos”.

Nesa vila marinense gánase espazo para os peóns e para as bicicletas, apostando por unha mobilidade máis sostible, e recupérase o lazo de unión de Marín co mar. “Ata agora, o noso Paseo, aínda que moi utilizado, non tiña a súa punta rematada, un espazo cheo de posibilidades co que agora incluso gañamos un novo miradoiro”, explicou a rexedora a pé de obra, en referencia á cuberta practicable do establecemento de hostalaría en construción.

O paseo tamén aumentará as zonas verdes e suporá unha mellora de toda a iluminación e a pavimentación. Ademais, instalaranse xogos infantís de auga adaptados á contorna e seguirase reforzando o vínculo mariñeiro do noso pobo.

Unha estratexia de máis de 6 millóns de euros

Grazas a Marín Dusi, confinanciada nun 80% polo Fondo Europeo de Desenvolvemento Rexional da Unión Europea, Marín converterase nun referente en mobilidade sostible, avance medioambiental, recuperación de espazos urbanos, dixitalización dos servizos municipais e recuperación da economía local.

En total, Marín acadou un financiamento de cerca de 5 millóns de euros por parte de Europa, aos que suma máis dun millón de fondos propios para pechar a inversión global para todas as actuacións enmarcadas dentro da estratexia.

Estas actuacións, ademais das dúas obras xa mencionadas, inclúen a construción do Auditorio, a elaboración do PMUS (Plan de Mobilidade Urbana Sostible), a optimización e mellora da Administración dixital, o impulso do modelo Smart Citie, a creación de Marín en Rede e o achegamento das TICs a toda a veciñanza.

“Grazas a estas axudas da Unión Europea temos a posibilidade de dar un salto de calidade e marcar un antes e un despois no noso municipio, mellorando a calidade de vida da nosa veciñanza”, explicou a rexedora.

Vídeo promocional da EDUSI:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies