Os novos baños da Praza de Abastos estarán listos a próxima semana

Os novos baños da Praza de Abastos estarán listos a próxima semana

A Praza de Abastos poderá estrear ao longo da próxima semana os novos dous aseos do patio norte. Así o adiantou hoxe a concelleira de Turismo, Cristina Acuña, que afirma que só quedan uns retoques para finalizar a obra da súa instalación.
Esta infraestrutura era unha importante demanda por parte dos praceiros e dos clientes que acoden diariamente ao Mercado, centro neurálxico do comercio de proximidade da vila marinense.
Para conseguir os habitáculos dos aseos, a empresa Dapercons, que é a que está a executar os traballos, pechou parcialmente un dos arcos, creando así un espazo delimitado e dividido simetricamente.
O presuposto global da instalación foi de 14.871,08 euros.

Anterior As ONGs recibirán un total de 2.500 euros en cheques para alimentos dentro da Campaña de Nadal

WEBS ASOCIADAS

CONTACTO

Avda. Ourense s/n

2022 Concello de Marín. Todos los derechos reservados