Ramallo fai entrega ao Ateneo Santa Cecilia da solicitude para declarar o Enterro da Sardiña como Festa de Interese Turístico de Galicia

19 abril 2022

A alcaldesa, María Ramallo, recibiu esta mañá no Concello á directiva do Ateneo Santa Cecilia para entregarlles o certificado do acordo plenario polo que se solicitará á Xunta a declaración do noso Enterro da Sardiña como Festa de Interese Turística de Galicia.

A Lei de Turismo de Galicia é que se encarga de dar luz verde a estas declaracións, en función de, entre outros, a antigüidade, a singularidade e o arraigo que a festa ten na veciñanza do lugar, así como todas as actividades promocionais que se organizan en torno a ela.

Desde o Concello “entendemos que o Enterro da Sardiña de Marín, organizado polo Ateneo Santa Cecilia, reúne as condición establecidas no Decreto autonómico para a súa declaración como tal e por iso aprobamos no Pleno por unanimidade que se solicite a súa declaración como Festa de Interese Turístico. Debemos poñer o noso Enterro no mapa e darlle o valor e o recoñecemento que merece”, declarou a alcaldesa.

De xeito concreto, a festa ten que ter máis de 20 anos, celebrándose periódicamente e en datas fácilmente determinables. Debe conter aspectos orixinais e de calidade que as singularicen respeto a outras similares que poidan ter lugar noutras localidades. Debe tamén contar cun carácter participativo da poboación local.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies