As obras da piscina municipal avanzan a bo ritmo, tal e como comprobaron hoxe a alcaldesa, María Ramallo, e a concelleira Marián Sanmartín, que realizaron unha visita de obra á instalación deportiva acompañadas dos responsables de obra.
Estase a intervir nas distintas partes do inmoble: as fachadas, as cubertas, as estruturas metálicas e o interior dos vestiarios e do ximnasio, renovando aqueles materiais protectores que estaban envellecidos polo paso do tempo e o uso, como o caso da pintura.
Precisamente, a parte que afecta máis ao exterior, como as pinturas ou a impermeabilización do teito, son as tarefas que miran máis cara ao ceo, porque a chuvia retrasa a súa execución pero incluso a pesar diso os traballos avanzan a moi bo ritmo.
Dentro do proxecto, ademais, desmontarase completamente a instalación actual que hai de paneles solares, xa que nestes momentos está obsoleta. Quitarase a estrutura de aluminio e vidro do tellado para repoñela, algo semellante ao que se fará co lucernario que ilumina o graderío da piscina, que tamén está nun estado comprometido.
Asemade, excutarase unha nova cuberta e retirarane todas as mallas metálicas que serven de peche e que non estean en boas condicións. Farase unha limpeza xeral das fachadas e renovaranse aqueles paneis que así o precisen por presentar deterioros.
No que respecta aos vestiarios, renovarase o pavimento existente e demolerase o falso teito continuo de ferro de escaiola, mentres que no ximnasio tamén se levantará o entarimado de madeira para substituílo por baldosas de gres antideslizantes.
O orzamento é cercano aos 604.000 euros, que irán con cargo ao Plan Concellos da Deputación de Pontevedra.
Subrogación dos traballadores e concesión prorrogada
En canto á parte laboral, a concesión de explotación do centro está prorrogada e as persoas traballadoras están en ERTE e serán subrogadas coa seguinte concesión.
Esta contratación cubre a xestión, coidado e desenvolvemento de actividades tanto na piscina climatizada, como nas salas de fitness e no resto das dependencias da instalación deportiva.
