A secuoia da Alameda, obxecto de estudo para analizar a súa estabilidade

Tal e como xa adiantou o Concello recentemente, unha das secuoias da Alameda, un exemplar de Sequoia sempervirens, presenta signos de importante deterioro e de padecer algunha patoloxía.

Ante esta situación, a concelleira encargada de Parques, Cristina Acuña, encargou varios  informes técnicos nos que se evidencia “o marchitamento e deterioro das raíces”. Pero ademais nestes momentos o Concello está tratando de avaliar a viabilidade do exemplar, estudando a súa estabilidade.

Con motivo de informar á cidadanía, colocouse este mediodía un cartel informativo e  un cercado ao redor da árbore. Unha das partes que se está a analizar é o sistema radical, que tal e como se pode comprobar cunha única avaliación visual, está desprazado.

Isto provoca que o exemplar teña o seu tronco lixeiramente inclinado, co seu cepellón desprazado. Tal e como se pode ver, a terra que rodea a base do tronco está afundida e moi branda na parte máis próxima á fonte, mentres que na cara contraria obsérvase unha pequena elevación.

Durante os vindeiros días e por encargo do Concello,  técnicos da Estación Fitopatolóxica do Areeiro, que é a entidade que conta cos instrumentos necesarios para realizar esta análise, estudarán a estabilidade do exemplar para avanzar nas próximas medidas a tomar.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies