Iniciada a tramitación do proxecto construtivo do Auditorio, o gran pulmón cultural da vila de Marín

O Auditorio de Marín dá un paso máis no seu proxecto construtivo. A empresa NAOS, que resultou adxudicataria do proxecto, presentou xa o documento final que rexerá a construción dun centro socio cultural adaptado ás necesidades da nosa vila con capacidade para 550 butacas. Agora, iníciase a súa tramitación, así como a do estudo detalle asociado.

Este edificio suporá un gran cambio na fachada litoral da nosa localidade e a oportunidade de aflorar a xa activa vida cultural da vila marinense. Segundo explicou o arquitecto Miguel…, o deseño do edificio está pensando como “”un gran espazo que dea continuidade visual entre o edificio, a contorna e o mar.

A empresa presentou este proxecto final aos membros da Corporación municipal, con presenza do partido de Goberno e de representantes do BNG e do PSOE.

A inspiración da empresa deriva nas distintas alturas e perspectivas que se presentan nos barrios típicos da nosa orografía. “”Cada esquina do edificio percíbese de maneira diferente, explicou o técnico, conseguindo un acabado máis atractivo, dinámico e de enorme integración paisaxística.

A parte máis voluminosa do inmoble será a máis cercana á barreira visual do Porto de Marín e en distintos puntos da cuberta, as grandes cristaleiras entrara luz natural que impactará directamente no vestíbulo.

Precisamente este vestíbulo quere ser “”unha especie de praza pública, pero cuberta, explica a empresa, que considera que todo o espazo pode ser aproveitado na súa totalidade de xeito diáfano, con distintas actividades simultáneas e que poidan sentirse acollidas nas distintas aulas que existen.

Ademais, para casos de menor aforamento, o patio de butacas contempla unha partición con cortinaxe que permite habilitar unicamente a metade das butacas, para actos con taquillas máis pequenas que permitan facer máis acolledoras determinadas representacións.
Público tamén ao aire libre”

Outra das grandes novidades e innovacións que ofrecerá o Auditorio de Marín é a posibilidade da apertura dun gradería exterior desde o que se poida ver o escenario.
Ademais, as grandes cristaleiras das partes do hall e dalgunhas das salas permitirán unha interesante unión visual entre a actividade interior do edificio e a vida de fóra.É unha infraestrutura moi aberta e funcional””, asegurou o arquitecto.

Marín Dusi, a gran estratexia urbana de Marín
Marín segue dando pasos nesta recta final do 2020 na consecución da estratexia Marín Dusi.
O orzamento total do Auditorio ascende a cerca de 4 millóns de euros, dous dos cales están investidos polo Fondo Europeo de Desenvolvemento Rexional (FEDER) da Unión Europea.
Ademais, a humanización da Avenida de Ourense continúa avanzando na súa execución e xa está firmada a acta de reprantexo das obras de remodelación do Paseo Alcalde Blanco.”z

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies