O Centro Terapéutico de Briz para persoas con Alzheimer aumentará o seu servizo aos usuarios

A atención asistencial é fundamental na nosa sociedade, especialmente cando na vellez se suman algunhas enfermidades do ámbito neurolóxico que supoñen un importante cambio no día a día das persoas maiores.

Nese ámbito, e coa perspectiva de ofrecer servizos públicos de calidade, o Concello ten habilitado na Finca de Briz o seu Centro Terapéutico para as persoas con Alzheimer, que xestiona xunto coa asociación AFAPO.

A concelleira de Benestar Social, Marián Sanmartín, e o presidente do colectivo, Jose Manuel Fontenla, mantiveron, xunta coa alcaldesa María Ramallo, para facer un balance de como foi a actividade do centro neste ano tan difícil, marcado pola pandemia, que tamén afectou de xeito específico ás persoas que padecen estas patoloxías, polo impacto no seu deterioro cognitivo que tivo o illamento social durante o confinamento.

Precisamente, por esa razón o Centro retomou a súa actividade cando foi considerado un servizo esencial, dividindo ao grupo inicial para reducir o aforo en cada unha das sesións. Agora, o centro parará o seu funcionamento durante o Nadal para retomar as clases a partir do 19 de xaneiro.

Debido ao bo funcionamento das actividades, ampliarase o horario do servizo. “Ata agora viñan un día dúas horas e agora virán dos días á semana, hora e media cada día, en grupos de 10 persoas cada unha, polo que en total hai nestes momentos 20 usuarios activo”, explicou a concelleira.

O horario será de 10.00 a 11.30 para unha quenda e de 12.00 a 13.30 horas para outra, deixando esa marxe de tempo entre ambas para poder levar a cabo as pertinentes accións de limpeza e desinfección, cumprindo así con todas as medidas derivadas da crise sanitaria.

“Segundo puidemos comprobar co avance do centro, viamos que o feito de que acudisen só unha vez á semana era demasiado pouco para o seguemento dos usuarios”, asegurou Sanmartín, que afirma que “este servizo está funcionando de moi bo xeito e temos constancia do ben que lles está indo ás familias e aos propios usuarios”.

“O obxectivo”, segundo comentou Fontenla, “é poder manter a calidade de vida que agora teñen e frear, na medida do posible, a rápida evolución da enfermidade”. De feito, ese é o ADN de AFAPO, asociación creada para poder axudar tanto ás persoas afectadas por esta enfermidade como aos seus familiares e coidadores, realizando unha dobre labor, de asesoramento e de apoio psicolóxico ás familias e de atención directa ás persoas con Alzheimer e demencia.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies