O Concello incentivou a posta en activo de persoas desempregadas durante os últimos seis meses coa contratación de 10 peóns e 3 conserxes

28/12/2020

O Concello de Marín ven de informar do remate do período laboral polo que foron contratados 10 peóns de obras públicas e tres conserxes a xornada completa, que procedían do desemprego, e que pudieron exercer estas funcións durante os últimos seis meses, desde o 1 de xullo ata o 31 deste mes.

O importa total destas contratación ascendeu a 113.288,50 euros e está financiado coa Liña 3 do Plan de Obras e Servizos do Plan Concellos da Deputación de Pontevedra.

Os traballadores realizaron o seu traballo de xeito conxunto coas brigadas municipais, no caso dos peóns, e nos edificios de titularidade pública municipal, no dos conserxes.

Segundo explica o axente de Emprego e Desenvolvemento Local, Afredo Montero, dentro do servizo de apoio a obras públicas realizaron tarefas de apoio á brigada municipal de obras de mantemento e conservación de servizos como obras de saneamento, conservación de viais, obras de reparación, conservación e mellora de edificios municipais, traída de augas, alumbrado público, limpeza de praias, etc….

O servizo de conserxería xustifícase pola gran cantidade de edificios de titularidade municipal que precisan desta figura e do seu reforzo, especialmente en épocas onde están ateigados por veciños e visitantes, ao tempo que reforzan os servizos ao coincidir cos períodos vacacionais do persoal do Concello.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies