Aberta a licitación para explotar os servizos das praias durante os próximos tres anos

27 maio 2022

O verán está xa á volta da esquina e o bo tempo xa enche desde hai varias semanas os areais de Marín. O Concello, pola súa banda, ten aberto xa o proceso de licitación para a contratación do servizo de explotación dos servizos da temporada de verán.

Este contrato será para as anualidades do 2022 ao 2024 e ten unha dotación orzamentaria de 8.360 euros (sen IVE). As empresas que teñan interese en concorrer á licitación poderán facelo a través da Plataforma Pública de Contratación ata o 7 de xuño, incluido.

Estes servizos inclúen os quioscos de Portocelo, Mogor, Aguete, Loira e O Santo, coas seguintes características técnicas:

● Portocelo: quiosco de 8 m2, cunha terraza de 31 m2
● Mogor: quiosco de 8 m2, cunha terraza de 31 m2
● Aguete: quiosco de 19 m2, cunha terraza de 19 m2
● Loira: quiosco de 12 m2, cunha terraza de 50 m2
● O Santo: quiosco de 8 me, cunha terraza de tamén 8m2

Por outra banda, no contrato tamén figuran os lotes para a instalación de 10 hidropedais en Mogor, 8 canoas e piraguas e 8 táboas de paddle surf en Aguete.

A concelleira de Turismo, Cristina Acuña, asegura que estes servizos “enriquecen o ocio e a comodidade de uso das nosas praias, que sabemos que agora serán usadas de xeito moi intenso pola nosa veciñanza e por todas as persoas que veñen doutros lugares a visitarnos”.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies