As persoas buceadoras que queiran participar terán que anotarse previamente. Para colaborar como voluntario en terra, só será preciso ir ao porto ás 09.30 horas.
Marín, 15 setembro 2025
Este domingo, o club de buceo Rías Baixas organiza unha limpeza submarina no Porto de Aguete, enmarcada no seu proxecto “Recuperación do Morrazo Somerxido”, impulsado polo Plan Social de Ence e que conta coa colaboración do Concello de Marín.
Tal e como explican desde a organización, realizarase tanto unha limpeza submarina como unha recollida superficial de residuos nas inmediacións. Os buzos titulados que queiran participar de voluntarios realizarán unha inmersión baixo a organización e directrices do club, para que a actividade sexa efectiva e segura. Será preciso anotarse contactando co clube a través das súas redes sociais. A actividade é totalmente grauíta.
No caso das persoas que non sexan buceadoras, poden axudar como voluntariado en superficie, vixiando e prestando asistencia aos buceadores, transportando residuos e clasificándoos e apoiando a iniciativa medio ambiental. Para participar nesta modalidade non é preciso apuntarse, só estar no Peirao de Aguete ás 09.30 horas.
