O pintor fará un percorrido pola súa obra ata agora, inaugurando a exposición o martes 11 ás 19.00 horas
Marín, 07 novembro 2025
Antón Sobral é mar, é Marín, é arte. É pensar no azul, nos turquesas, no violáceo das mellores estampas do ceo, motivo recurrente na súa estensa obra, da que fará un percorrido na mostra que se inaugurará o martes 11 ás 19.00 horas no Museo Municipal Manuel Torres.
Unha retrospectiva que non só fala dos seus cadros, senón tamén de si mesmo como artista e como persoa, nunha reconstrución humanística de 360 grados na que colaboran nove amigos e amigas, cuios textos compoñen un catálogo imprescindible para entender, como di el mesmo, quen é ese tal Antón Sobral.
