A Casa de Cultura de Seixo estreará unha nova sala polivalente e a Alameda renova toda a súa madeira

21 setembro 2021

 A Casa de Cultura de Seixo, así como a súa Alameda, é un dos centros neurálxicos da vida social da parroquia e un punto de encontro para a veciñanza, grazas ás actividades que se realizan ao longo do ano nas instalacións, tanto no interior como no exterior.

Por iso, desde o Concello procúrase mellorar esta infraestrutura cultural e social, que agora conta cunha sala moito máis grande, tras a unión de dous espazos anteriores que non eran versátiles para acoller actividades.

A alcaldesa, María Ramallo, acompañada dos concelleiros Elisa Dopazo e Pablo Novas, comprobou o resultado da intervención, que permite agora aumentar o aforo das actividades e propoñer novas disciplinas por parte das asociacións, que antes non se podían realizar porque os dous espazos anteriores eran moi pequenos.

Por outra banda, tamén se levou a cabo unha actuación de renovación de toda a madeira do graderío exterior da Alameda, que se atopaba en moi mal estado. De feito, supoñía un perigo incluso a nivel de seguridade porque é un lugar moi utilizado por nenos pequenos.

En total, entre as dúas actuacións, realizouse unha inversión cercana aos 15.000 euros. A alcaldesa quixo destacar “a importancia de poder ofrecer con calidade aos veciños e veciñas infraestruturas como as Casas de Cultura, que se converten nun revulsivo da actividade social e cultural dunha parroquia, como acontece no caso de Seixo”.

 

Está previsto que a Casa de Cultura retome a súa actividade a principios do mes de outubro.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies