Contacto | Tel.:986 88 03 00

A Policía Local de Marín realiza controis para o cumprimento das medidas sanitarias, comprobando a máis de 300 vehículos por día

04 febreiro 2021

A Policía Local de Marín está a traballar intensamente estes días para velar polo cumprimento das restricións vixentes para loitar contra a pandemia, como son o uso da máscara, a prohibición da reunión con non convivintes, o peche perimetral ou o toque de queda.

Segundo indican desde o corpo de seguridade local, nesta última semana interpuxéronse 22 denuncias por incumprir algún destes supostos. Concretamente, catro por non respectar o límite perimetral, 13 por non levar máscara ou facer un uso incorrecto da mesma, 1 por fumar camiñando e sen distancia de seguridade, 4 por non respectar o horario do toque de queda e 2 por reunión con persoas non convivintes.

Os axentes están habilitando controis diarios, nos que, de media, estanse a vixiar 302 vehículos cada día.

Intercepetados na Finca de Briz

Por outra banda, a Policía Local informa de que localizou hai dous días a catro rapaces, dous menos de idade, de 16 e 17 anos, e a outros dous adultos de 18, bebendo nun espazo da Finca de Briz en horario lectivo, ás 12.30 horas.

Os pais dos menores foron notificados, así como o centro no que se atopan escolarizados.
Propúxoselles unha sanción por reunión de non convivintes.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies