Contacto | Tel.:986 88 03 00

Acima adícalle a súa nova Gala Empresarial á muller emprendedora

A asociación Acima presentou hoxe na Biblioteca Vidal Pazos, acompañados pola concelleira Itziar Álvarez, a nova edición da súa Gala Empresarial, que este ano estará adicada á muller emprendedora.
O evento celebrarase o sábado, 14 de decembro, ás 14.30 horas, no restaurante Xan Xián e distinguirá ás seguintes premiadas:
• Xoven empresaria: Pilar Otero González, da empresa Rosa de Los Vientos, que, entre outras cousas, é presidenta e socia fundadora da Asociación de Mulleres en Igualdade de Bueu, socia da Federación de Mulleres de Pontevedra e vicepresidenta da Asociación de Frigoríficos de Pesca Extractiva de Galicia.
• Empresaria do ano: Fina Cabaleiro Portela, da Adega de Ardán, que comercializa os seus viños na zona do Morrazo, principalmente, aínda que tamén noutros puntos do país
• Mérito ao traballo: María Teresa Otero Sánchez, do Ciberwar, socia da empresa de telecomunicacións Ciber Loira Soft, fundada no 1999 e que segue a súa actividade na actualidade.
• Mérito á constancia comercial: Eugenia Freire Davila, á fronte da Carnicería Carmela das Barreiras, que xa pertencía a súa nai.
• Diploma de honra: Marietta Pena dos Santos, cantautora que xa leva editados catro discos.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies