Adxudicada a humanización da Travesía República Arxentina, unha nova rúa que mellorará o corazón urbano de Marín

22 novembro 2021

 O centro urbano de Marín contará en pouco tempo cunha nova rúa, que reordenará toda a zona do Inferniño e mellorará a mobilidade no corazón marinense. A apertura da Travesía República Arxentina mellorará toda a zona do Inferniño, tanto a nivel de comodidade como de estética.

A Xunta de Goberno Local aprobou recentemente a adxudicación das obras, que serán levadas a cabo pola empresa Sistemas y Construcciones Alvedro, por un importa de 241.612,40 euros (máis IVE). A inversión realízase con cargo ao Plan Concellos da Deputación de Pontevedra.

Esta nova rúa comunicará as rúas República Arxentina e Inferniño, un espazo que, na actualidade, presenta dúas situacións moi diferentes. Por unha banda, o extremo leste, que entronca coa rúa República Arxentina atópase completamente urbanizada e edificada. Este tramo de 44 metros de lonxitude atópase pavimentado e conta con beirarrúas en ambas marxes e todos os servizos urbanísticos (alumeado público, rede de saneamento e pluviais, abastecemento, enerxía eléctrica, telecomunicacións e subministro de gas). A rúa executada remata nun muro que separa o ámbito urbanizado do regato e das fincas sen urbanizar.

O tramo de rúa de nova apertura está composto por tres parcelas en estado de semiabandono, con cascallos e peches metálicos provisionais. As dúas zonas están separadas por un regato, que no seu extremo norte está canalizado baixo o solo urbano e cara sur permanece a ceo aberto.

A empresa terá un prazo de execución de tres meses, a contar desde a comprobación do reprantexo.

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies